lines 682-700

682 Lyconides Dixi tibi, mater, iuxta rem mecum tenes,
super Euclionis filia. nunc te obsecro
resecroque, mater, quod dudum obsecraveram:
fac mentionem cum avonculo, mater mea.
Masks and Costumes
686 Evnomia Scis tute facta velle me quae tu velis,
et istuc confido fratre me impetrassere;
et causa iusta est, siquidem ita est ut praedicas,
te eam compressisse vinulentum virginem.
690 Lyc. Egone ut te advorsum mentiar, mater mea?
Phaedrivm Perii, mea nutrix. obsecro te, uterum dolet.
Iuno Lucina, tuam fidem! Lyc. Em, mater mea,
tibi rem potiorem verbo: clamat, parturit.

 

Juno Lucina

694 Evn. Ei hac intro mecum, gnate mi, ad fratrem meum,
ut istuc quod me oras impetratum ab eo auferam.--
696 Lyc. I, iam sequor te, mater. sed servom meum
Strobilum miror ubi sit, quem ego me iusseram
hic opperiri. nunc ego mecum cogito:
si mihi dat operam, me illi irasci iniurium est.
ibo intro, ubi de capite meo sunt comitia.--

Previous section

Next section