lines 661-681
661 Strob.
Emortuom ego me mavelim leto malo
quam non ego illi dem hodie insidias seni.
nam hic iam non audebit aurum abstrudere:
credo ecferet iam secum et mutabit locum.
665 attat, foris crepuit. senex eccum aurum ecfert foras.
tantisper huc ego ad ianuam concessero.
667 Evclio Fide censebam maxumam multo fidem
esse, ea sublevit os mihi paenissume:
ni subvenisset corvos, periissem miser.
Fides
670 nimis hercle ego illum corvom ad me veniat velim,
qui indicium fecit, ut ego illi aliquid boni
dicam; nam quod edit tam duim quam perduim.
673 nunc hoc ubi abstrudam cogito solum locum.
Silvani lucus extra murum est avius,
crebro salicto oppletus. ibi sumam locum.

 

Silvanus

676 certumst, Silvano potius credam quam Fide.--
Strob. Euge, euge, di me salvom et servatum volunt.
iam ego illuc praecurram atque inscendam aliquam in arborem
indeque observabo, aurum ubi abstrudat senex.
680 quamquam hic manere me erus sese iusserat;
certum est, malam rem potius quaeram cum lucro.--

Previous section

Next section