SCRIPT: NATALIS URBlS
DATE: 21 APRIL, 30 AD
Salutatio
Favonius: Salvete, omnes! Mihi nomen est Marcus Favonius et hoc
est Forum Romanum! Quid novi est hodie? Brevi tempore videbimus. At primum,
ecce Quaestio Hodierna!
Quaestio Hodierna
Lector: Quaestio hodierna est de Tito Livio: Quidam homo
usque a qua provincia iter fecit tantum ad Livium spectandum? Responsum
dabitur ad finem Fori Romani.
QYID NOYI?
Favonius: Et nunc videamus quid novi sit. Ut notum est omnibus,
hodie, ante diem undecimum Kalendas Maias, est natalis Urbis. Ut creditum
est. hoc die, plus quam septingentis annis ante, Romulus Romam condidit.Iulia?
Iulia : Ad hunc diem festivum celebrandum, Imperator Tiberius Iulius
Caesar Augustus declaravit ludos circenses habendos. Tiberius autem non
aderit Romae ad ludos spectandos. Manebit Capreis, in magnifica splendidaque
villa Iovis. Di Tiberio faveant.
Favonius: Quia hodie est natalis Urbis, dignum est loqui de historia
Romana, quam ob rem nostra Iulia Pauli loquebatur cum Livia Magi, cuius
pater erat Titus Livius, historicus clarissimus.
ET'ALIA(Interview with Livia Magi, daughter of historian Titus Livius)
Iulia: Ut notum est omnibus, Titus Livius erat clarissimus Romanus
historicus qui scripsit libros Ab Urbe Condita, in quibus exposuit totam
historiam:Romanam, ab Aenea Romuloque usque ad paene nostram aetatem. Livia
Magi est filia Titi Livi. Salve, Livia!
Livia: Salve, Iulia. Mihi placet adesse tecum hodie.
Iulia: Quaeso,
Livia, dic nobis pauca de Livio patre.
Livia : Libenter. Pater historiae studiosissimus erat . Re vera,
de rebus aliis non multum curabat . Semper enim in tablino pater erat, scribens
a multo mane usque ad multam noctem. Paene numquam ego vidi patrem!
Iulia: Vae tibi! Difficillimum est numquam patrem videre!
Livia: Difficile erat, certe. At Romana sum atque, ut pater saepe
inquit, "Et facere et pati fortiter Romanum est." Atque bene intellexi
patrem magnum opus scribere.
Iulia: Hoc magnum opus, autem, fecit Livium patrem dum vivebat notissimum
multas per partes orbis terrarum, nonne?
Livia: Sic erat. Olim quidam homo iter Romam fecit usque ab Hispania
modo ut Livium aspiceret!
Iulia: Haec audivi. At tamen hodie, natalis Urbis, loquamur de scriptis
patris Livi. Qui versus horum librorum tibi maxime placent?
Livia: Hem. Versus in libris primis. Mihi placet fabula de Romulo
Remoque, in qua lupa geminos infantes nutrivit. Atque mihi valde placet
fabula de Sabinis mulieribus, ubi Romulus consilium cepit ad uxores captandas!
Etiam placet fabula miseranda de Lucretia, quae mortem sibi conscivit ad
pudorem servandum!
Iulia: Miseram Lucretiam!
Livia: Maxime. At cui non placent fabulae de heroibus antiquis Romanis?
Erat Horatius, qui pontem defendit, atque Mucius Scaevola, qui dextram manum
igni imposuit, et Cloelia, quae trans Tiberim natavit, atque Cincinnatus,
qui aratrum reliquit ad Rem Publicam servandam!
Iulia: Hi heroes certe sunt digni laudis, Livia, sed, vae nobis,
tempus fugit. Gratias ergo tibi agimus, Livia Magi. Totum est hic, Favoni.
Rursus ad te!
Tempestas Hodierna
Favonius: Tempus est audire de tempestate. Quam ob rem, hic est
Aulus Serenus!
Serenus: Gratias tibi ago, Favoni. Videamus quaenam sit tempestas
hodie. Quam bellus dies est hodie, natalis Urbis! Ver adest, totam per Italiam!
Flores gemmas agunt avesque in arboribus cantant! Sine dubio iam Proserpina
revenit, domu tenebrosa relicta! Gratias lovi! Enim vero gratias Plutoni!
Sol lucet atque "terra tepescit ventis leniter spirantibus." Dum
sic loquimur, fortasse paulum dicendum est de ventis. Non tam procul a Sicilia
sita est insula quaedam ubi habitat Aeolus, rex ventorum. In hac insula
est cavema maxima ubi Aeolus ventos furentes firmissime retinet. Nonnumquam
autem, deis volentibus, Aeolus liberat ventos, qui furiosi e cavema ruunt
ad quattuor partes orbis terrarum! Ad septentrionem partem extra Gemmaniam
ruit Aquilo. Auster ruit ad partem australem infra terras Libyam et Aegyptum.
Ab oriente solis in Asia sufflat tertius ventus qui nostra lingua Volturnus
vocatur, Graece est Eurus. Tandem est Favonius-ut noster Marcus Favonius-qui
ventus Graece est Zephyrus. Hic ventus spirat ab occidente solis extra Hispaniam.
Verum satis est de ventis. Tempus iam fugit! Aulus Serenus sum atque spero
caela sint vobis valde serena!
Responsum Quaestioni
Favonius: Multas gratias, Serene. Et nunc, ecce responsum quaestioni
hodiernae.
Lector: Quaestio hodierna erat ut sequitur:
Quidam homo usque a qua provincia iter fecit tantum ad Livium spectandum?
Responsum est hoc: ab Hispania
Dictum Hodiernum
Favonius: Nunc tempus est videre nostrurn Dictum Hodiernum!
Lector: Hoc est dictum hodiernurn: magnum opus.
Valedictio
Favonius : Verba notanda. Ut repetamus nuntios principales :
Hodie, ante diem undecimum Kalendas Maias, est natalis urbis Romanae! Felicem
natalem Urbi nostrae! Totum est ad hanc editionem Fori Romani. Gratias summas
agimus et di vobis faveant. Valete omnes!
copyright1997 by John Donohue
