DATE: 10 AUGUST, 30 BC
Salutatio
Favonius: Salvete, omnes! Mihi nomen est Marcus Fawnius et hoc
est. Forum Romanum! Quid novi est hodie? Brevi tempore videbimus. At primum,
ecce Quaestio Hodierna!
Questio Hodierna
Lector: Quaetio hodiema est de rebus Aegyptiis: Unde erant Ptolemaci?
Responsum dabitur ad finem Fori Romani.
QUID NOVI?
Favonius: Et nunc videamus quid novi sit Hos nuntios modo recepimus.
Cleopatra est mortua! Cleopatra, regina Aegypti, mortem sibi conscivit Ut
nobis nuntiatum est. Cleopatra se interemit morsu serpentis, aspis erat,
ut nuntium est. Cleopatra mortua, regnum Ptolemaeum in Aegypto nunc finitum
est. Ptolemaei, autem, qui a Macedonia venerunt, Aegytum regebant usque
a morte Alexandri Magni, paene trecentis annis ante. Ut videret quid cives
Romani putarent de morte Cleopatrae, hodie antea Iulia Pauli ad Forum ivit.
ET ALIA(Iuia Pau/i in Forum interviewing passersby)
Iulia: Adsum in Foro Romano. Magna commotio est hic in Foro,
nam multi cives modo audiverunt Cleopatram tandem mortuam esse. Salve, mi
amice! Licetne mihi rogare pauca?
Civis: Licet, paulisper.
Iulia: Quid tu censes de morte Cleopatrae?
Civis: Gaudeo multum! Fatale monstum mortuum est! Nunc est bibendum,
ut aiunt! Ergo, eundum est mihi!
Iulia: Ave atque vale! Heus tu, te volo!
Horatius: Mene vis?
Iulia: Maxime, si licet. Mihi nomen est Iulia Pauli et velim rogare
pauca de morte Cleopatrae.
Horatias: Agedum, roga.
Iulia: Gratias, amice. At quid est nomen tibi?
Horatius: Quintius Horatius Flaccus.
Iulia: Horatius Flaccus, hem ... hoc nomen novi. Nonme tu poeta es?
Horatius: Quidam sic censent
Iulia: Quid tu hic in Foro?
Horatius: Ibam forte Via Sacra, sicut meus est mos, mortem Cleopatrae
meditans.
Iulia: Mirandum est. nonne? Audistine de serpente? Aspis erat, ut
aiunt
Horatius: Iam audivi. Tractare aspidem asperam! Non humilis
mulier, Cleopatra, ad usque supremum tempus!
Iulia: Fortasse.
Illi Ptolemaei! Omnes dementes, ut mihi videtur.
Horatius: Certe nescio. Verum constat Cleopatram dementem pugnare
cum Octaviano, sed regina pulsa est amore Antonii, nonne?
Iulia: Stultus
et improbus hic amor erat!
Horatius: Fortasse. At ingenium ingens erat in Cleopatra Certe erat
Cleopatra mulier gratissima; nam sic censuerunt non solum Marcus Antonius
sed etiam lulius Caesar.
Iulia: Verum
est. Ut tibi videtur, cur Cleopatra tam gratissima erat?
Horatius: Cur non tam certus sum. Haec erat mulier conus urbanaque
atque inteliegens et audacissima. Nonne tu audisti de Cleopatra se in tapeta
celante ut ad Caesarem adveniret?
Iulia: Audivi. Audacter factum!
Horatius: Ita vero. At tamen, me pacnitet, non est mihi tempus. Necesse ire est Numquid vis? Iulia: Satis habeo, gratias. Nil ultra quaero. Quo nunc iter est tibi?
Horatius: Rus eo, nam hic in Foro sunt multi qui me vexent. Ecce vulgus!
Iulia: Vale, Horati. Totum est Marce Favoni. Rursus ad te!
Favonius: Gratias,Iulia.
Benefactum.
Tempestas Hodierna
Favonius: Tempus est audire de tempestate. Quam ob rem; hic est
Aulus Serenus!
Serenus: Gratias tibi ago, Favoni. Videamus quaenam sit tempestas
hodie. Totam per Italiam aestuosa est hodie, ut semper his temporibus armi.
Auspicia autem sunt bona ad tempestatem crastinam. Ventosum est autem in
Graecia, praesertim hic in Macedonia, unde venerunt Alexander Magnus et
primus Ptolemaeus. Et ventosum est. apud Actium, ubi Caesar Octavianus navali
proelio superavit Cleopatram Antoniumque. In Aegypto, regno Cleopatrae terraque
pyramidum aridum et percaldum est Ecce Nilus, fluens in Mare Nostrum! Ecce
Alexandria, ubi est bibliotheca clarissima et Pharos notissimus. Auspicia
mala sunt Aegypto ad tempestatem futuram. Fortasse illi di Aegyptiaci Isis
ct Serapis atque Osiris, quocum nunc est Cleopatra,habent nil potestatis
aut sanctitatis in re tempestatis! At tamen, iam satis est. Aulus Serenus
sum atque spero caela sint vobis valde serena!
Responsam Quaestioni
Favonius: Multas gratias, Serene. Et nunc, ecce responsum
quaestioni hodiernae.
Lector: Quaestio hodierna erat ut sequitur Unde erant Ptolemaci?
Responsum est hoc: a Macedonia
Dictum Hodiernum
Favonius: Nunc tempus est videre nostrum Dictum Hodiernum!
Lector: Hoc est dictum hodiemum: Non humilis mulier!
Valedictio
Favonius: Verba notanda. Ut repetamus nuntios pnncipales: Ut
repetamus nuntios prmcipales: Cleopatra mortua est! Totum est ad nanc editionem
Fori Romani. Gratias summas agimus et di vobis faveant. Valete omnes!
copytight 1996 by Jobn Donohue
