Script: Hannibal ad Portas
Salutatio
Favonius: Salvete,
omnes! Mihi nomen est. Marcus Favonius et hoc est. Forum Romanum! Quid novi
est hodie? Brevi tempore videbimus. At primum, ecce Quaestio Hodierna!
Quaestio Hodierra
Lector: Quaestio Hodierna est de Hannibale. Inter se quem populum
Hannibal puer inimicitiam aeternam iuravit? Responsum dabitur ad finem Fori
Romani.
Quid Novi?
Favonius Ee nunc videamus quid novi sit. Hos nuntios modo recepimus:
Hannibal ad portas! Hannibal, ille Poenus detestatus omnibus Romanis, ad
portas nostrae urbis est. Dum loquimur Hannibal est sub ipsis Romanis moenibus!
Terror maximus totam urbem captat! Ut omnes nostrum scimus, Hannibal invictus
est usque ad hoc temporis. Tot duces Romani proelium cum Hannibale commiserunt,
quot duces aut victi aut mortui sunt. Ad amplius his de rebus audiendum,
nostra Iulia Pauli est in Foro, ante Curiam.
EtAlia (Iulia Pauli's intetview with Fahius Maximus)
Iulia: Gratias, Favoni. Ante Curiam in Foro sum et mecum est
Q. Fabius Maximus Verrucosus, consularis, qui plurimum de Hannibale novit.
Salve, Fabi!
Fabius: Et tu salve! Mihi placet tecum loqui.
Iulia: Tu bene nosti hunc Hannibalem, nonne?
Fabius: Eum novi. Perfidus et pravus est. sicut omnes Poeni, sed
in proelio nemo est acerior aut astutior, si licet mihi dicere.
Iulia: Tibi consentiunt multae matres Romanae quarum filii in proelio
iam necati sunt.
Fabius: Identidem dixi: Noli proelium committere cum Hannibale. Ille
Punicum monstrum non potest superari in proelio! Sed nemo mihi credidit.
Flaminius non mihi credidit, et Aemilius Paulus. At ubi sunt isti magni
imperatores nunc? Cum Plutone! Cave Hannibalem, inquam!
Iulia: Quid ergo necesse est nobis facere ut Hannibalem ab Italia
expellamus?
Fabius: Non multum curo de Italia. Res Publica Romana est mihi curae!
Ut saepissime ego dixi, oportet lente movere contra illum Hannibalem. Si
paulatim exercitum Poenicum teramus, victoria nostra erit. Festina lente,
ut dictum est.
Iulia: Sed certe aliquid nobis faciendum est? Hannibal est ad portas
ipsas!
Fabius: Nil refert. Roma firmissime munita est. Nihil potest Hannibal
agere hic. Hic "impetus" est nihil nisi prava desperatio. Mox
Hannibal Roma discedet. Mihi crede.
Iulia: Esne tu certus?
Fabius: Certissime. Nil desperandum!
Iulia: Nihilne faciamus?
Fabius: Nihil, inquam. Tempus est nobis amicus et inimicus Poenis.
Iulia: Iam satis intellego cur tu appelleris "Cunctator!"
Fabius: Si cunctando nobis Res Publica restituatur, fiat!
lulia: Gratias maximas, Fabi Maxime Rursus ad te, Favoni.
(Favonius gives an editorial)
Favonius: Qualis homo est hic Hannibal? Plurima et dicta et scripta
sunt. Ut traditum est. Hannibal puer, patris iussu, iuravit inimicitiam
aeternam inter se et Populum Romanum. Quis nescit de Laco Trasumeno ubi
exercitus Romanus exstinctus est? Quis nescit de Cannis ubi duo exercitus
Romani exstincti? Quanta milia militum Romanorum iam mortui sunt? Et hoc
ipso tempore Hannibal ad portas Romanas ipsas est! Quid faciamus? Hic arbiter
nuntiorum certe nescit. Di nos iuvent! (pause) Verum satis et superque est
de Hannibale. Tempus est audire de tempestate hodierna. Quam ob rem hic
est Aulus Serenus!
Tempestas
Hodierna
Serenus:
Gratias tibi ago, Favoni. Videamus quaenam sit tempestas hodie. Circum Romam
atque totam per Italiam est caldissimum, ut semper aestate. Sol vehementer
lucet atque agri sunt paene tosti. Utinam Apollo agitaret suum currum proximum
Hannibali et eius Poenis atque incenderet totum exercitum Punicum! Aut fortasse
Iuppiter pluat atque abluat Punicos multo cum fulmine! Aut melius, Neptunus
faciat ut terrae motu omnes Punici deleantur! (pause) Ignosce mihi, me paenitet.
Non sum apud me hodie. At vero, ille Hannibal nos omnes perterritos pavidosque
effecit. Ego quidem sum paene non compos mentis! At tamen, videamus quaenam
sit tempestas alibi. In Africa, ubi sita est Carthago, illa urbs Poenica,
tempestas quoque caldissima aridissimaque est. Item in Hispania, ubi Hannibal
erat antequam Alpes Montes transivit ut nostram Italiam invaderet. In orientali
parte Maris Nostri caldissimum est circum Phoenicen, unde venerunt Poenici
qui condiderunt Carthaginem. Utinam Carthago non condita esset! Iterum inquam,
ignosce mihi. Bellum, horridum bellum. Iam satis est. Aulus Serenus sum
atque spero caela sint vobis valde serena!
Responsum Quaestioni
Favonius: Multas gratias, Serene. Et nunc, ecce responsum quaestioni
hodiernae.
Lector: Quaestio hodiema erat ut sequitur: inter se et quem populum
Hannibal puer iuravit inimicitiam aetemam? Responsum est hoc: inter se et
populum Romanum.
Dictum Hodierrnum !
Favonius: Nunc
tempus est videre nostrum Dictum Hodiernum!
Lector: Hodie sunt nobis duo dicta: Festina lente!, Nil desperandum!
Valedictio
Favonius: Verba notanda. Ut repetamus nuntios principales: Hannibal
ad portas Romanas est! Di nos iuvent! Totum est ad hanc editionem Fori Romani.
Gratias summas agimus et di vobis faveant. Valete, omnes!
copyright1996
by John Donohue
