Salutatio
Favonius: Salvete,
omnes! Mihi nomen est. Marcus Favonius et hoc est. Forum Romanum! Quid novi
est hodie? Brevi tempore videbimus. At primum, ecce Quaestio Hodierna!
Quaestio Hodierna
Lector: Quaestio hodierna est de rebus Graecis: Tot civitates
in Italia meridiana Graecae sunt ut illa pars Italiae saepe esset appellata
. Responsum dabitur ad finem Fori Romani.
Quid Novi?
Favonius: Et nunc videamus quid novi sit. Hos nuntios modo recepimus:
Lucius Cornelius Sulla Athenas cepit! Hodie, Kalendis Martiis, L. Cornelius
Sulla, imperator Romanus, obsidione Athenas cepit. Hanc obsidionem Athenis
exercitus Romanus exsequebatur multos menses sed hodie copiae Romanae tandem
iter in urbem ruina moenium invenerunt.
lulia: Gratias, Favoni. Athenae, clarissima urbium Graecarum, uno
anno ante in amicitiam venerunt cum Mithridate, nefario atque perfido hoste
populi Romani. Qua de causa, Cornelius Sulla, qui bellum contra Mithridatem
adhuc feliciter gerit, oppugnationem in Athenas fecit. Favoni?
Favonius: Multae partes Athenarum detrimentum acceperunt: agora,
locus communis similis nostro foro, accepit detrimentum grave. Etiam detrimentum
accepit Erectheum, templum sanctissimum in acropole. Parthenon autem, clarissimum
templum Athenae, quoque in acropole situm, nil detrimentum accepit, quoad
scimus.
lulia: Sulla,
cum copiae Romanae Athenas intrarent, iussit urbem non flammis incendi.
Sulla, ut videtur, demonstrabat reverentiam rerum Graecarum. Favoni?
Et Alia (Editorial by Roscius Gallus)
Favonius: Reverentiam rerum Graecarum. Saepe nos Romani dicunt
de humanitate aut, si vis, de cultura nostra et Graeca. Fatendum est culturam
Graecam praeclaram esse. Re vera, sunt multi qui dicant culturam Graecam
meliorem quam nostram esse. Ad his de rebus dicendum, hic est histrio clarissimus,
Quintus Roscius Gallus.
Roscius: Salvete!
Gratum est mihi adesse vobiscum. Et gratissimum est mihi dicere de cultura
Graeca. Saepe dictum est. "Cultura Graeca moribus Romanis detrimento
est." Marcus Cato Censorius persaepe hoc dixit. At verum, nonne Cato
ipse Graece et dicere et scribere poterat? Nonne Cato Romam portavit Quintum
Ennium, clarissimum poetam? Multi homines dicunt culturam Graecam intulisse
magna mala Rei Publicae Romanae! Quid mali est in scriptis Platonis aut
Aristotelis aut Herodoti? Quid mali est in tragoediis Aeschyli aut Sophoclis
aut Euripedis? Quid in comeodiis Aristophanis? Quid ergo mali est apud Homerum?
Nonne Ilias Odysseaque sunt optima maximaque carmina umquam scripta? Praeter
has litteras bonas, modo cogita de artibus! Cogita de architectura! Cogita
de medicina astrologiaque! Ut multis videtur, mos maiorum in periculo est.
Quomodo potest? Quidnam periculi est in rebus Graecis? Re vera, cultura
Graeca plurimos annos in Italia fuit. Ut bene scitis, pars meridiana nostrae
Italiae appellata est Magna Graecia! Graecane cultura periculosa?! Minime,
inquam! Immo etiam, ut mihi videtur, cultura Graeca intulit nil nisi bonum
Rei Publicae Romanae!
Favonius: Multas gratias, Rosci Galle! Dicendum est: Sententia Roscii
Galli non necessarie est sententia Fori Romani.
Tempestas Hodierna
Favonius: Tempus
est audire de tempestate. Quam ob rem, hic est Aulus Serenus!
Serenus: Gratias tibi ago, Favoni. Videamus quaenam sit tempestas
hodie. Per maiorem partem Italiae sol lucet, praesertim super Latium Romamque.
Gratias lovi ! Auspicia autem item sunt bona ad tempestatem crastinam. Sed
ad meridiem, in parte Italiae saepe appellata "Magna Graecia"
pluit multum. Fortasse caelum lacrimat ob Athenas a Sulla captas! Pluit
hic ubi sunt Neapolis et Pompeii et Capua. Ventosa madidaque hic in insula
Sicilia, ubi sunt multae civitates Graecae, ut, exempli gratia, Syracusae,
notissima urbs in Sicilia. Etiam pluit hic ubi est Brundisium, portus a
quo nobis est mos navigare ad Graeciam. Ventosum et turbidum est Mare Adriacticum.
Nec mirum, totam per Graeciam nubilosum est. praesertim hic ubi sunt miserae
Athenae et Piraeus, portus Athenarum. Etiam ventosum et madidum est hic
in Peloponneso ubi est Sparta. In Thessalia, ubi situs est Mons Olympus,
pluit et tonat fulgetque! Ut Mare Adriaticum, Mare Aegaeum turbidum est.
praesertim ad meridiem maris ubi sita est Creta. Tempestas ergo totas per
terras Graecas horrida est. ut dignum, nam illi Graeculi non debent esse
amici Mithridati, regi Pontico, et inimici nobis Romanis! Iam satis est.
Aulus Serenus sum atque spero caela sint vobis valde serena!
Favonius: Multas gratias, Serene. Et nunc, ecce responsum quaestioni
hodiernae.
Responsum Quaestioni
Lector:
Quaestio hodierna erat ut sequitur: Tot civitates in Italia meridiana Graecae
erant ut illa pars Italiae saepe esset appellata
Responsum est hoc: Magna Graecia
Favonius: Nunc tempus est videre nostrum Dictum Hodiernum!
Dictum Hodiernum
Lector:
Dictum hodiernum excerptum a scriptis poetae Horatii.
Graecia capta ferum victorem cepit.
Valedictio
Favonius: Verba notanda. Ut repetamus nuntios principales: Lucius
Cornelius Sulla Athenas cepit! Multae partes urbis, inprimis agora et Erectheum
in acropole, detrimenta acceperunt. Parthenon autem nil detrimenti accepit.
Totum est ad hanc editionem Fori Romani. Gratias summas agimus et di vobis
faveant. Valete omnes!
copyright 1996 by John Donohue
